HARAGIRIMANA Dieudonne
Rutahizamu ukomeye w’ikipe ya APR FC, Mugunga Yves yafatiwe ibihano nyuma yo gushwana n’umutoza Ben Moussa igihe kinini.
Hashize igihe ikipe ya APR FC yitwara neza ari nabyo biyiha kuba yicaye ku mwanya wa mbere n’amanota 46 ariko mu mukino yo kwishyura kuva yatangira aho Mugunga Yves yabonye iminota myinshi yo gukina harabarika.
Nyuma yo kudakinisha k’uyu mukinnyi wafashije ikipe ya APR FC gutwara ibikombe bitatu imaze iminsi itwara bya Shampiyona twaje gutohoza neza tumenya ko uyu mukinnyi yafatiwe ibihano muri iyi kipe y’ingabo z’igihugu.
Ntabwo ikipe ya APR FC yigeze ibitangaza nkuko bisanzwe muri iyi kipe ariko amakuru twamenye ni uko Mugunga Yves amaze igihe atavuga rumwe n’umutoza Ben Moussa kuva yafata iyi kipe, ubuyobozi bwabonye ko byazateza ikibazo ihitamo kuba imuhaye ibihano kugirango abashe kwisubiraho azagaruke ameze neza.
