Rubavu: Mu mirima y’abaturage habonetse ubutunzi bukomeye cyane ariko butangiye kubakururira akaga gakomeye

Mu karere ka Rubavu mu murenge wa Nyamyumba, abaturage bahangayikishijwe n’umutekano muke uri guterwa n’amabuye y’agaciro yabonetse mu murima yabo.

Mu kagari ka Kinigi niho havugwa inkuru y’abagabo bitwaje ibyuma babiteye urinda ahabonetse ayo mabuye y’agaciro, maze yitaba Imana.

Aya mabuye y’amabengeza yitwa belire bivugwa ko ari yo akorwamo amakaro n’amasahani y’amadongo, akaba yarabonetse mu mirima y’abaturage mu Mudugudu wa Burevu mu Kagari ka Kinigi.

Abo bagabo bateye ibyuma uwo waharindaga nabo bahise baraswa ubwo bagereagezaga gutoroka inzego z’umutekano ubwo zahageraga. Ibi byatumye abaturage bagira ubwoba none barasaba ko hashyirwaho uburyo bwo kuhacungira umutekano byihariye.