Rubavu: Abanyeshuri ntibariye kubera ko abatetsi bakuwe ku kazi bagasiga baroze igikoni noneho ababasimbuye bacana inkwi zumye zikanga kwaka

Abanyeshuri biga ku kigo cya Centre Scolaire Cyanzarwe giherereye mu karere ka Rubavu, ntabwo bariye saa Sita kuko bacanye umuriro wanga kwaka kubera igikoni cyari cyarozwe.

Ababyeyi babwiwe ko ngo byatewe n’abatetsi bakuwe ku kazi bagasiga baroze igikoni noneho ababasimbuye baracana bikanga kwaka.

Nk’uko tubikesha umunyamakuru Oswald Mutuyeyezu, yatangaje ko yahawe amajwi  ‘Audio’  yumvikanamo abaturage babyemeza.

Umubyeyi ati “Umuriro bamara kuwucana ugahita wongera ukazima. Ibyo basize barikoze iryo ziko, niba bariroze ntitubizi. Ni inkwi zumye. Kuva mu gitondo bacaniriye amazi y’umutsima yanze gufata bitewe n’abakozi bahinduye bakazana abandi.”