Kubwayo Mc croix
Rodri, w’imyaka 28, yegukanye Ballon d’Or i Paris nyuma yo gufasha Espagne kwegukana Euro 2024 muri Nyakanga no gutwara ibikombe bya Premier League, UEFA Super Cup, na Club World Cup hamwe na Manchester City. Uyu mukinnyi yabaye uwa mbere muri City wegukanye iki gihembo, atsinda Vinicius Jr wa Real Madrid na Jude Bellingham, baje ku mwanya wa kabiri n’uwa gatatu.
Rodri yagaragaye ku rubyiniro yifashisha amaguru y’abamufasha nyuma yo kuvunika imvune ya ACL muri Nzeri. Yashimangiye ko iki gihembo ari ishema rya ruhago y’Abanya-Espagne, anashimira abakinnyi bamenyekanye mu bihe byashize batigeze bagitwara. Nubwo atarangije umukino wa nyuma wa Euro kubera imvune, Rodri yagizwe umukinnyi w’irushanwa kubera uruhare rukomeye yagize.
Mu bindi bihembo, Lamine Yamal wa FC Barcelona yahawe Kopa Trophy nk’umukinnyi muto witwaye neza, naho Emiliano Martinez wa Aston Villa yongera kwegukana Yashin Trophy nk’umunyezamu mwiza. Harry Kane na Kylian Mbappe basangiye Gerd Muller Trophy nk’abatsinze ibitego byinshi mu mwaka, buri umwe atsinda 52. Kane yashimiye Bayern Munich ku ruhare yagize mu gutsinda ibyo bitego.
Ikipe ya Real Madrid yahawe igihembo cy’ikipe y’umwaka, naho Carlo Ancelotti yegukana Johan Cruyff Trophy nk’umutoza mwiza, ariko nta muntu wo muri iyi kipe wari uhari ngo yakire ibihembo, bivugwa ko banze kwitabira kubera ko Vinicius Jr atari butware Ballon d’Or.
