RIP Rehema! Umukobwa w’imyaka 37 wari ufite ubukwe ku cyumweru yitabye Imana avuye muri Bridal shower ye ari kumwe na Nyina

Impanuka y’imodoka yahitanye umukobwa witwa Rehema Chao, wari uvuye mu birori byo gusezera ku bukumi bizwi nka Bridal shower, aho yari afite ubukwe tariki 2 Ukuboza 2023, muri iyo mpanuka yana hitanye nyina barikumwe bavuye muri ibyo birori mu karere ka Mwanga muri Tanzania.

Amakuru avuga ko uyu Rehema Chao, w’imyaka 37, yakoze impanuka ubwo yari atwaye imodoka arikumwe na nyina Agness Chao, ubwo bari bavuye mu birori byo gusezera ku bukumi bwe ahitwa Morogoro.

Uyu mukobwa Rehema ngo yashatse guhunga icyobo cyari mu muhanda, hanyuma ahita agongana n’indi modoka hanyuma we na nyina bahita bitaba Imana mu gihe abandi bavandimwe be babiri barikumwe muri iyo modoka bahise bakomereka bikabije bahita bajyanwa mu bitaro.

Uyu Rehema yitabye Imana kuri uyu wa 28 Ugushyingo 2023, ubwo yari mu myiteguro y’ubukwe yari afite ku cyumweru tariki 2 Ukuboza 2023., Rehema yari asanzwe ari Umwarimu muri Segonderi yahitwa Sua mu Ntara ya Morogoro.