M.Ben
Musanabandi Madeleine w’imyaka 37 y’amavuko yasanzwe mu buriri bw’icyumba araranamo n’umugabo we yapfuye.
Hacyetswe umugabo we wahise atabwa muri yombi.
Ibi byabereye mu Mudugudu wa Rukaragata, Akagari ka Kagarama, Umurenge wa Mahembe, Akarere ka Nyamasheke.
Umugabo we witwa Ndabitegereje Aphrodis w’imyaka 33 akaba afungiwe kuri Sitasiyo ya RIB ya Gihombo mu gihe iperereza rikomeje.
Umunyamabanga Nshingwabikorwa w’Umurenge wa Mahembe Mukamusabyimana Marie Jeanne, yabwiye Imvaho Nshya dukesha iyi ko amakuru y’urupfu rw’uwo mugore rwamenyekanye ahagana saa cyenda z’igicamunsi cyo ku wa Mbere tariki ya 16 Ukwakira 2023.
