Rimwe tuzandikira umushinjacyaha! Abaturage baburiye Neymar kubera ibikorwa bye

Umunya_ Brazil Neymar Jr usanzwe ukinira ikipe ya Paris Saint Germain mu Bufaransa, akomeje kuburirwa n’abaturanyi be ko nakomeza ibikorwa byo kubateza urusaku bazamurega.

Abaturage baturanye na Neymar mu gace kitwa Bougival cyane cyane mu macumbi yitwa Yvelines bakomeje kwijujutira ibikorwa bye byiganjemo urusaku. Mu mpera z’icyumweru gishize nibwo Neymar yizihije isabukuru y’imyaka 31 y’amavuko.

Muri ibyo birori byabereye mu nyubako yitwa Yvelines bigatangira kuva mu masaha y’igicamunsi kugeza ijoro rinishye. Muri ibyo birori ngo Neymar n’abantu yatumiye barasakuje cyane bigera naho abaturage bibananira gusinzira bakitabaza ubuyobozi bwabo.
Ngo kandi sibwo bwa mbere ibi bibaye ngo kuva muri 2017 Neymar yatura aho akomeza kurara abasakuriza iyo arikumva umuziki.

Ikinyamakuru Le Parisien kiganira na bwana Luc Wattelle akaba ari umuyobozi w’ako gace yavuze ko Neymar atiyubaha cyangwa ngo yubahe abaturanyi be.
Meya yagize ati ” Wakora iki see ku muntu udatewe ubwoba no kwishyura amayero 135 bitewe n’ayo yinjiza? Rimwe tuzandikira umushinjacyaha kubera guhora abangamira rubanda”.