Rihanna yagaragaye ari gukora amasuku mu kabari yari ari kunyweramo we n’inshuti ze

Umuhanzikazi Rihanna yatunguye abantu benshi nyuma yo kugaragarara ari gukora amasuku mu kabari yari yagiye kunyweramo we n’inshuti ze.

Ikinyamakuru Page Six cyatangaje iyi nkuru kivuga ko Rihanna yakoze amasuku muri ako kabari ahagana saa munani zo mu rukerera.

Iki kinyamakuru gikomeza kivuga ko Rihanna n’inshuti ze bahanywereye bakageza mu rukerera nyuma yo gusaba abakozi b’aka kabari gukora amasaha y’ikirenga kugira ngo bafashe Rihanna n’inshuti ze kwinezeza.

Amakuru avuga ko Rihanna yageze kuri aka kabari ka Caviar ari kumwe n’inshuti ze z’abakobwa bagera kuri batandatu.

Nyuma yo kwishimisha igihe kirekire muri ako kabari Rihanna yafashe umwanzuro wo gufasha abakozi bo muri ako kabari gukora amasuku nkuko uwatanze amakuru yabyemeje.