Epaphrodite Nsengimana
Mu karere ka Nyanza mu murenge wa Kigoma ho mu kagari ka Murinja mu mudugudu wa Buhoro haravugwa inkuru y’umugabo ukurikiranweho gusambanya umwana we yibyariye.
Uyu mugabo witwa Muramira Joseph yatawe muri yombi na RIB ishami rya Ruhango, aho akurikiranweho gusambanya umukobwa we w’imyaka 14 y’amavuko.
Gusa ariko abaturanyi buyu mugabo bavuga ko yaba yarakorewe akagambane ngo kuku ubusanzwe abana n’uyu mwana we na nyirakuru w’umwana bonyine kuko umugore we(mama w’umwana) yabasize akigira muri Uganda.
Aba baturage bavuga ko nyina w’uyu mwana ashobora kuba ariwe ubyihishe inyuma akaba ashaka gufungisha umugabo, bakavuga ko ubusanzwe uyu mugabo yitonda ndetse kandi akaba yakoraga uko ashoboye kose umwana we akiga.
Aba baturage basaba ko uyu mwana yajyanwa gusuzumwa kwa muganga hakarebwa koko niba yarafashwe ku ngufu.
