RIB yatangiye iperereza ku rupfu rwa Urimubenshi Jean Pierre ukomeje kubabaza abatari bake

Umugabo wo mu murenge wa Kibirizi mu karere ka Nyanza yasanzwe mu nzu yapfuye, RIB ikaba yatangiye iperereza.

Byabereye mu mudugudu wa Kabuga mu kagari ka Rwotso mu murenge wa Kibirizi mu karere ka Nyanza kuwa 16 Ukwakira 2023 aho umusore witwa Habumugisha w’imyaka 20 y’amavuko yatabaje ahagana i saa kumi n’imwe avuga ko abyutse agasanga se umubyara witwa Urimubenshi Jean Pierre w’imyaka 59 y’amavuko asanze yapfuye.

Umunyamabanga nshingwabikorwa w’Umurenge wa Kibirizi, Murenzi Valens yahamije ayo makuru.

Umurambo wajyanywe ku bitaro bya Nyanza ngo ukorerwe isuzuma kugirango hamenyekane icyo yazize. Abatuye muri kariya gace bavuga ko nyakwigendera bikekwa ko yaba yarozwe.