Real Madrid yandagarije Barcelona iwayo ikuraho agasuzuguro kari kamaze kuba kenshi

Ikipe ya Real Madrid yandagaje FC Barcelona, ubwo yayitsindaga ibitego bine ku busa mu mukino wo kwishyura wa ½ mu Gikombe cy’Umwami.

Real Madrid yarimaze imikino 3 yijurikirqnyw itazi uko gutsinda FC Barcelona bimera. kuri iyi nshuro , Carlo Ancelotti n’abasore be baje bisize insenda.
Real Madrid yasabwaga gutsinda uyu mukino kuko umukino ubanza yari yatsinzwe igitego kimwe, kandi n’igikombe cya shampiyona gisa nk’icyagiye.

Abasore ba Real Madrid baje gutsinda ibitego bine ku busa, harimo ibitego bitatu Karim Benzema yatsinze wenyine.
Kuko yatsinze ku munotq wa 50, 58 kuri penaliti ndetse no kuwa 80 bisanga icyo Vinicius Jr yari yatsinze ku munota wa 46.

Real Madrid nyuma yo kunyagira FC Barcelona, igiteranyo cy’ibitego mu mikino yombi cyabaye ibitego 4-1 . Ubundi isanga Osasuna ku mukino wa nyuma w’Igikombe cy’Umwami uteganyijwe ku wa 6 Gicurasi 2023.