Social Mula
Rayon Sports yamaze kwishyura ideni ry’abakinnyi n’abatoza yari ibarimo ry’umushahara w’ukwezi k’Ukuboza umwaka ushize.
Iyi kipe iyobowe na Rtd Capt Uwayezu Jean Fidele yohereje abakinnyi n’abatoza mu kiruhuko cy’iminsi mikuru itabahembye, bikaba bivugwa ko babyinubiye ku buryo bukomeye.
Nyuma yo gusubukura imyitozo yitegura igice cy’imikino yo kwishyura, iyi kipe yamaze guhemba buri mukozi wayo, kugeza ubu nta deni ry’amafaranga ifitiye umukozi wayo.
Rayon Sports yasoje imikino ibanza ya shampiyona iri ku mwanya gatanu n’amanota 28. Ni inyuma ya AS Kigali ya mbere n’amanota 30, inganya na Kiyovu Sports ndetse na APR FC na Gasogi United zifite amanota 28 mu mikino 15 zakinnye.
