Philcollens
Rayon Sports yateye ubwoba abacyeba Hertier Luvumbu Nzinga akora ibitangaza yongera kwibutsa abafana ubushagarira yahoranye
Ikipe ya Rayon Sports kuri uyu wa gatandatu yakinnye umukino w’umunsi wa 8 wa shampiyona n’ikipe ya Sunrise FC, umukino urangira Rayon Sports ibonye intsinzi y’ibitego 3-0.
Ni umukino watangiye ikipe ya Sunrise FC ikanga abafana ba Rayon Sports ariko ntabwo byatinze nyuma yo guhusha uburyo bumwe na bumwe. Nyuma gato ikipe ya Rayon Sports yaje gukanguka rutahizamu wayo Hertier Luvumbu Nzinga ahita abona ibitego 2 kimwe yateye ishoti rikomeye hashize iminota micye atsinda ikindi cya Penalite.
Ibi bitego byose byabonetse mu gice cya mbere cy’umukino. Mu gice cya kabiri cyaranzwe no gutsinda ibitego ariko bikagenda byangwa kubera kurarira arimo icyo Muhire Kevin yatsindiye Rayon Sports ariko kirangwa kuko yari yaraririye. Gusa Hertier Luvumbu Nzinga yakomeje gukora ibitangaza ndetse aza no gutsinda igitego cya 3 umukino urangira ari ibitego 3-0.
