THIERRY Mugiraneza
Ubuyobozi bw’ikipe ya Rayon Sports binyuze mu munyabanga wayo, Namenye Patrick, yahakannye ibivugwa ko iyi kipe yaba yaratewe mpaga mu gikombe cy’Amahoro.
Ikibazo cy’umukino wo kwishyura wa ⅛ mu gikombe cy’Amahoro, hagati ya Rayon Sports n’Intare Football Club gikomeje gufata indi ntera ñyuma y’uko impande zombi zananiwe kumvikana.
Kuva ku munsi wejo hashize , hatangiye gucicikana amakuru avuga ko Ikipe ya Rayon Sports yaba yamaze guterwa mpaga ngo nyuma y’ubusesenguzi bwa FERWAFA.
Uyu munsi bwana Namenye Patrick , Umunyamabanga wa Rayon Sports aganira na Radiyo Rwanda yabajijwe niba koko Rayon Sports yaba yamaze guterwa mpaga. Maze Patrick avuga ko ibyo nka Rayon Sports ntabyo bazi ko ndetse nta tangazo rya FERWAFA bari babona.
Umunyabanga abajijwe nka Rayon Sports icyo bakora baramutse batewe mpaga, yasubije ko ubwo bareba icyo itegeko rivuga.
