Social Mula
Rayon Sports yihimuye kuri Etincelles FC iyitsinda ibitego 2-0 mu mukino w’Umunsi wa 22 wa Shampiyona waberaga i Muhanga, yisubiza umwanya wa kabiri n’amanota 45, irushwa rimwe na APR FC ya mbere.
Mu gihe amakipe yombi yagiye kuruhuka, abakinnyi ba Etincelles FC basimbura bagiye kwishyushya hafi n’izamu Rayon Sports igiye kujyamo.
Bamwe muri bo bari bafite uducupa rw’amazi bayamennye mu izamu ariko bahangana n’umukozi wa Rayon Sports uzwi nka Mapuwa ndetse n’umufotozi w’iyi kipe.
Mapuwa na we yari afite amacupa y’amazi ayamena mu izamu.
Impande zombi zirahanganye kugeza haje umukozi wa FERWAFA na Polisi y’Igihugu aba ari bo bazitandukanya.
Umunyezamu wa Rayon Sports, Hakizimana Bonheur na we ahise azana icupa ry’amazi ayamena mu izamu rigiye kujyamo mugenzi we Hakizimana Adolphe.
Mbere y’uko amakipe yombi atangira umukino, abakinnyi ba Etincelles FC basengeye hagati mu kibuga, Luvumbu ahamena amazi.
