Kubwayo Mc croix
Mu mukino w’ishyiraniro wahuje amakipe akomeye mu Rwanda, Rayon Sports na APR FC banganyije ubusa ku busa kuri Stade Amahoro ku mugoroba wo ku wa Gatandatu. Abakunzi b’aya makipe bari benshi mu rwambariro, aho uyu mukino wari utegerejwe cyane kubera amateka n’ubushyamirane bw’ibi bihangange.
Umukino watangiye ku isaha ya saa kumi n’ebyiri, Rayon Sports iza mu kibuga yotsa igitutu APR FC ku bufatanye bwa Fall Ngagne na Aziz Bassane. APR FC nayo yageragezaga gusatira binyuze kuri Mugisha Gilbert na Mamadou Sy, ariko abasore ba Rayon Sports bacyitwara neza. Igice cya mbere cyarangiye amakipe yombi anganya 0-0.
Mu gice cya kabiri, impinduka z’abatoza zari ziteze kuzana impinduka mu mukino. Darko Novic yasimbuje abakinnyi barimo Mamadou Bah, ashyiramo Johnson Nwobodo, mu gihe ku ruhande rwa Rayon Sports havuyemo Fitina Ombolenga hajyamo Serumogo Ally.
Umukino waranzwe n’amakosa menshi yatumye abakinnyi nka Thadeo Lwanga, Mamadou Bah na Mpazimaka Andre bahabwa amakarita y’umuhondo. N’ubwo habonetse amahirwe menshi yo gutsinda, abakinnyi nka Muhire Kevin na Mamadou Sy bananiwe kuyabyaza umusaruro.
Uyu mukino utarangiye habonetse intsinzi wagaragaje ko Rayon Sports na APR FC ari amakipe afite ubushobozi bukomeye, aho umukino warangiye amakipe agabanye amanota.
