Rayon Sports izakina n’ikipe y’Abanyamakuru b’imikino mu Rwanda

Ubuyobozi bw’ikipe ya Rayon Sports bwamaze kwemeza ko bazakina umukino wa gicuti n’ikipe y’umupira w’amaguru y’Abanyamakuru b’imikino mu Rwanda (AJSPOR).

Uyu mukino uzahuza ubuyobozi bwa Rayon Sports burangajwe imbere na Rtd Capt Uwayezu Jean Fidele n’ikipe ya AJSPOR FC uzaba ku Cyumweru tariki 19 Werurwe 2023 ukazabera mu Nzove aho uzatangira Saa Kumi z’amanywa.

Uyu mukino uzakinwa mu rwego rwo kurushaho kunoza umubano hagati y’ubuyobozi bw’iyi kipe ikunzwe n’Abanyarwanda benshi ndetse n’itangazamakuru ry’imikino mu Rwanda.