THIERRY Mugiraneza
Ishyirahamwe ry’umupira w’amaguru mu Rwanda FERWAFA, ikipe ya Rayon Sports n’Intare Football Academy bakomeje gusa nk’abakina umukino w’abana witwa saye.
Kuva mu ntangiriro za Werurwe ikibazo cy’ikipe ya Rayon Sports n’Intare Football Academy cyakomeje kugaruka mu matwi y’abanakunzi b’ umupira w’amaguru ahanini gitewe n’umukino wo kwishyura wari guhuza aya makipe muri ⅛ cy’Igikombe cy’Amahoro.
Bijya gutangira Rayon Sports yikuye mu gikombe cy’Amahoro ivuga ko FERWAFA yayisuzuguye igasubika umukino nta mpamvu , bukeye Rayon Sports iragaruka yemera gukina n’Intare.
Mu minsi mike ishize ubwo FERWAFA yatangaza ko umukino uzahuza ayo makipe uteganyijwe ku itariki 27/03/2023 , Intare Football Academy yarabigaramye ivuga ko uwo mukino itazawukina kuko itazi ibyawo.
Uwo mukino wari kuzaba ejo kuwa Mbere wamaze gusubikwa nk’uko Rayon Sports yabyemeje ikavuga ko igihe uzabera kizamenyeshwa nyuma.
