Kubwayo Mc croix
Rayon Sports ikomeje kugaragaza imbaraga muri Shampiyona y’u Rwanda 2024-2025, ikaba iri ku mwanya wa mbere n’amanota 33 nyuma yo gutsinda imikino 10 muri 13. Ubusatirizi bwa FBI (Fall, Bassane, na Iraguha) buratanga umusaruro w’amateka, ndetse ikipe ifite icyizere cyo gutwara igikombe cya shampiyona.
APR FC iri ku mwanya wa kabiri n’amanota 25, nyuma yo gukina imikino 12, kandi ifite umukino umwe w’ikirarane.
Gorilla FC iri ku mwanya wa kane n’amanota 22, naho AS Kigali ifite amanota 23 ku mwanya wa gatatu, zikomeje kurwana ku myanya y’imbere.
Ku rundi ruhande, Vision FC na Kiyovu FC biri mu bibazo bikomeye, aho Vision FC ifite amanota 8 na Kiyovu FC ifite amanota 7 n’umwenda w’ibitego 17. Abafana ba Kiyovu FC bategereje impinduka kugira ngo ikipe yabo yirinde kujya mu cyiciro cya kabiri.
Amakipe nka Gasogi United, Police FC, na Amagaju FC ari hagati mu myanya, afite amahirwe yo kuzamuka cyangwa agasubira inyuma bitewe n’imikino isigaye.
Shampiyona y’u Rwanda irakomeje gutanga ihangana rikomeye, n’abafana baracyategereje byinshi.
