Kubwayo Mc croix
Mu mukino wabereye kuri Kigali Pele Stadium kuri uyu wa Gatandatu, tariki ya 30 Ugushyingo 2024, ikipe ya Rayon Sports yatsinze Vision FC ibitego 3-0 mu mukino w’umunsi wa 11 wa shampiyona y’u Rwanda.
Rayon Sports yatangiye umukino ifite intego yo gushaka amanota atatu, maze ikomeza gusatira izamu rya Vision FC. Fall Ngagne yabaye intwari y’umukino atsinda ibitego bibiri by’agatangaza, birimo icya gatatu cyashimishije abafana batangiye gucana amatara mu rwego rwo kwishimira intsinzi.
Adama Bagayogo, waje mu kibuga asimbura, yagize uruhare rukomeye mu gitego cya gatatu cya Fall Ngagne ku munota wa 75. Vision FC yagerageje gusatira, ariko imbaraga zabo zatsinzwe n’ubwugarizi bwa Rayon Sports burimo Nsabimana Aimable na Yousou Diagne.
Uyu mukino wasize Rayon Sports ikomeje kuza imbere muri shampiyona, mu gihe Vision FC ikomeje gushakisha amanota kugira ngo ihagarare neza ku rutonde rw’agateganyo.
