HARAGIRIMANA Dieudonne
Umukino wasubitswe wagombaga guhiza ikipe ya Rayon Sports n’ikipe y’Intare FC ugiye kuba ikipe ya Rayon Sports ishobora kutazaba ifite abakinnyi bagiye mu ikipe y’igihugu.
Hashize iminsi ikibazo k’ikipe ya Rayon Sports n’Intare FC kigarukwaho cyane mu itangazamakuru bitewe ni uko ishyirahamwe ry’umupira w’amaguru hano mu Rwanda FERWAFA ryasubitse uyu mukino ikipe ya Rayon Sports igahita ifata umwanzuro wo gusezera mu gikombe cy’amahoro hadashize iminsi 2 igahita yongera kwandika igaruka.
Ubwo FERWAFA yamenyaga ko Rayon Sports yemeye kugaruka muri iki gikombe yahise itangaza ko igihe uyu mukino uzabera kizatangazwa. Amakuru YEGOB twamenye ni uko umukino uzahuza aya makipe yombi uzaba kuwa gatatu w’icyumweru gitaha nubwo FERWAFA itarabitangaza.
Uyu mukino biteganyijwe ko uzaba mu cyumweru gitaha ushobora gukinwa ikipe ya Rayon Sports idafite abakinnyi barimo Rwatubyaye Abdul ndetse na Ganijuru Ellie bahamagawe mu ikipe y’igihugu mu gihe umutoza Carlos Alos Ferrer yaba yemeye gukomezanya nabo muri 25 azajyana mu gihugu cya Benin.
