Kubwayo Mc croix
Mu mateka ya Tennis, izina Rafael Nadal rizahora riri ku isonga. Uyu mukinnyi w’Umunya-Espagne, w’imyaka 38, yasezeye ku mikino mpuzamahanga nyuma yo gutsindwa na Netherlands mu irushanwa rya Davis Cup i Malaga.
Ku kibuga cyari cyuzuye abafana 11,500, umwuka wari wuzuye ibyishimo n’amarira by’abamushimira, bashyizeho ibimenyetso byanditseho “Gracias Rafa” bishimira uruhare rwe mu iterambere rya Tennis mu gihugu no ku isi.
Nadal yegukanye ibikombe 22 bya Grand Slam, imidali ibiri ya zahabu mu Mikino Olempike, ndetse yageze mu bihe by’ingenzi byo kuba muri Top 10 ku isi mu gihe cy’ibyumweru 912 bikurikirana.
Feliciano Lopez, inshuti ye n’umufatanyabikorwa muri Davis Cup, yagize ati: “Nadal yatumye Espagne yizera ko bishoboka kuba umuntu yagera ku rwego rwo hejuru mu mukino wa Tennis.”
I Paris, Nike yamukozeho ibihangano byihariye mu mujyi wa Trocadero, yerekana uruhare rwa Nadal mu mateka y’iyi mikino. Kuva ku myaka 15 yagaragaye bwa mbere, kugeza ubu asezera nk’intwari ya siporo, Nadal yasigiye isi umurage udasanzwe w’ubwitange, ubupfura, n’umutima wo kurwana ku byoyemera.
