Social Mula
Mu minsi ishize nibwo Radio imwe mu zikunzwe mu Rwanda cyane cyane mu mujyi wa Kigali ariyo Kiss FM yabuze umunyamakuru Arthur Nkusi wasezeye avuga ko agiye muri gahunda ze zindi ndetse no kuba afashe akaruhuko.
Amakuru ari hanze gusa ataraba impamo nuko undi munyamakuru wakoreraga iyi Radio nawe ari munzira ayivamo.
Umwe mu bakoresha urubuga rwa Twitter witwa Mustapfa Kiddo, usanzwe aba mu itangazamakuru, yaciye amarenga ko umunyamakuru akaba n’umuhanzi Uncle Austin nawe yaba yavuye kuri iyi Radio. Yagize ati “Ibaze kumva KISS FM itariho Uncle Austin na Arthur rutura. Tayali irarindimutse 😭😭😭😭😭😭”
Ibaze kumva KISS FM itariho Uncle Austin na Arthur rutura
Tayali irarindimutse 😭😭😭😭😭😭— Mustapha Kiddo (@MustaphaKiddo) February 24, 2022
Iyo kandi unyarukiye ku rubuga rwa Instagram ukareba kuri konti y’uyu munyamakuru usanga yarararitse abantu ko abafitiye itangazo rikomeye muriyi weekend. Bikaba bishoboka ko yaba aribwo azatangazako atagikora kuri iyi Radio, akanavuga aho agiye kwerekeza.
Muri iyi minsi abanyamakurubenshi bakaba bari guhindura imirimo bari basanzwemo yo kivugira kuri Radio cyangwa se kuri Televiziyo ahanini bitewe no kubona amahirwe y’akandi kazi Keza bagahitamo kwigendera. Aha twavuga nka Tidjara Kabendera, Arthur Nkusi, Fiona mbabazi n’abandi..
