Kubwayo Mc croix
Paris Saint-Germain (PSG) yarangije kugura Joao Neves, umukinnyi wo hagati wa Benfica, mu masezerano agera kuri miliyoni £60. Uyu mukinnyi w’imyaka 19 ukomoka muri Portugal yasinye amasezerano y’imyaka itanu n’abafite igikombe cya shampiyona y’u Bufaransa.
Neves yigaragaje muri Benfica, aho yakinnye imikino 75 agatsinda ibitego bine. Amafaranga y’igura ry’ibanze ni miliyoni £50, ariko ashobora kuzamuka bitewe n’inyongera ziri mu masezerano akagera kuri £60 .
Perezida wa PSG, Nasser Al-Khelaifi, yashimye Neves nk’umwe mu bakinnyi b’abahanga, anavuga ko afite ishyaka ryo gukinira PSG. Neves amaze gukinira Portugal inshuro icyenda, yanayifashije kugera muri 1/4 cya Euro 2024.
