in

Premier League umunsi wa 15: Menya byinshi mbere y’umukino w’umunsi wa 15 wa Shampiyona y’Ubwongereza

Ihangana ku makipe yo muri Premier League rirakomeza muri izi mpera z’icyumweru kuva kuri uyu wa gatandatu.

Ikipe ya Chelsea iyoboye urutonde rwa shampiyona iraza kuba yagiye gusura ikipe ya West Ham, naho Liverpool na Manchester City nazo ziraba zifata rutema ikirere nazo zishaka kureba uko zaharanira kubona umwanya wambere.

Ku kibuga cya Old Trafford, umutoza Mushya wa Manchester United, Ralf Rangnick yitezwe ko ashobora kutagaragara kuri uyu mukino nyuma yo kugirwa umutoza mukuru wa Man United iri bube yakira Crystal Palace.

.

🔵West Ham vs Chelsea (uyu munsi, 14:30pm, kuri BT Sport 1)

Ikipe ya West Ham irakira Chelsea kuri London Stadium yifuza kureba ko yatsinda umukino wayo wambere nyuma yo gutsindwa imikino ibiri yikurikiranya muri Premier League.

Chelsea yatsinze West Ham kabiri kikurikiranya umwaka w’imikino ushize gusa nayo yatakaje imikino itatu muri itandatu iheruka kwerecyeza mu burasirazuba bwa London.

Rutahizamu Romelu Lukaku ashobora kuza kubanza mu kibuga kunshuro ye yambere kuva taliki ya 20 Ukwakira, Aho amaze gutsinda ibitego icyenda ahura na West Ham, ikaba ikipe amaze gutsinda ibitego byinshi kurusha indi kipe iyo ariyo yose muri Premier League, mu gihe mugenzi we wa West Ham, Michail Antonio we yatsinze ibitego bitanu anatanga imipira itanu yavuyemo ibitego muri uyu mukino wa London Derby.

🔴Newcastle vs Burnley (Uyu munsi, 17:00pm)

Newcastle United iraza kuba ishaka itsinzi yayo yambere muri Premier League uyu mwaka w’imikino aho iza kuba yakira Bunley nayo imaze iminsi iri kugorwa cyane no kwitwara neza.

Imikino 15 yose badatsinda, biyigira ikipe ya kabiri imaze gihe kinini idatsinda mu mateka ya Premier League, rero iyi kipe ya Newcastle United ishobora kuba ikipe yambere mu mateka yaba imaze imikino 14 ibanziriza Shampiyona ya Premier League nta tsinzi ibonye.

Kwitwara neza kwa Bunley kuri St James’s Park ni Bibi cyane kugeza magingo aya, Aho nta tsinzi nimwe mu mikino umunani iheruka kwerecyeza kuri icyi kibuga.

🔵Southampton vs Brighton (Uyu munsi, 17:00pm)

Munshuro umunani zose muri Premier League Aya makipe amaze guhuza Southampton na Brighton, ikipe yakiriye ntirabona itsinzi nimwe muri icyo gihe cyose.

Ayo ni amakuru meza ku mutoza Seagulls, we umaze imikino icyenda adatsinda muri Shampiyona nyuma yo gutangira shampiyona yitwara neza, ni imyaka 39 kuva bamara imikino 10 batazi uko itsinzi imera.

Abasore b’umutoza Graham Potter batsinze ibitego 2-1 kuri St Mary ubwo bahaheruka, rero bifuza kongera kubigenza nkuko babikoze kuri icyi kibuga cy’abatagatifu kunshuro yabo yambwere mu mateka.

 

🔴Wolves vs Liverpool (Uyu munsi, 17:00pm)

Rutahizamu wa Liverpool Diogo Jota ufite isabukuru y’amavuko kuri uyu munsi, yifuza kwishimira uyu munsi atsinda igitego ikipe yahozemo Wolves.

Ikipe imaze igihe itsinda ibitego byinshi, Liverpool iraza gusura Wolves kuri Molineux, ikibuga iyi kipe itaratsindirwaho muri Shampiyona mu myaka irenga 40 yose.

Ikipe iza kuba yakiriye, imaze kutinjizwa igitego mu mikino itatu iheruka yikurikiranya, kurusha igihe cy’imikino 18 yose mbere yuko bagera kuri ako gahigo.

Rutahizamu Diogo Jota yitezweho kuza gutsinda igitego ku munsi we wamavuko agitsinze ikipe yahoze akinira, mu gihe Mohammed Salah yitezweho kuza gukomeza kongera ikinyuranyo k’ibitego bine Arusha umukinnyi wa kabiri umukirikira mu bakinnyi bamaze gutsinda ibitego byinshi.

Uyu rutahizamu w’igihugu cya Misiri amaze gutsinda ibitego 13 mu mikino 14 ya Premier League kugeza magingo aya, harimo ibitego bibiri aheruka gutsinda mu mukino wa derby ya Merseyside ubahuza na Everton mw’ijoro ryo kuwa gatatu uheruka.

 

🔵Watford vs Manchester City (uyu munsi, 19:30pm, kuri Sky Sports)

Imikino igoranye kuri Watford irakoza mw’ijoro ryo kuri uyu wa gatandatu, Aho iyi kipe iza kuba isurwa n’abasore ba Pep Guardiola utoza Manchester City, iyi kipe yo yatsinze imikino 10 hagati yazo zombi itsindamo ibitego 37 muri yo.

Iyi kipe ifite igikombe cya Premier League giheruka imaze gutsinda imikino igera kuri 17 maze inganya imikino ibiri mu mikino 21 yerecyeje ku kibuga cya Watford.

Rutahizamu Emmanuel Dennis niwe uribube umukinnyi ngenderwaho n’ikipe ya Claudio Ranieri niba iyi kipe yifuza kuba yateza ibibazo kuri Man City, uyu rutahizamu w’ikipe y’ibihugu cya Nigeria amaze gutsinda ibitego bitandatu bya Shampiyona anatanga imipira yavuyemo ibitego igera kuri itanu kuva yakwerecyeza muri iyi kipe mu mpeshyi ishize yerekeje kuri Vicarage Road, harimo ibitego aheruka gutsinda yikurikiranya mu mikino itatu iheruka.

🔴Leeds vs Brentford (Ku cyumweru, 16:00pm)

Ikipe ya Leeds izaba iha ikaze Brentford yifuza kubona itsinzi yayo yikurikiranya muri Premier League kunshuro yayo yambere muri uyu mwaka w’imikino.

Iyi kipe izwi kw’izina rya White yatakaje umukino umwe mu mikino 14 yose yakira iyi kipe izwi nk’inzuki, itsindamo imikino irindwi yose.

Iyi kipe iri bube yasuye ntabwo iri mubihe byayo byiza, nyuma yo gutakaza imikino myinshi igera kuri itanu mu mikino irindwi iheruka.

🔴Manchester United vs Crystal Palace (Ku cyumweru, 16:00 pm)

Uyu uraza kuba umukino wa mbere wa Ralf Rangnick nk’umutoza mukuru wa Manchester United Aho Ari bube yakiriye ikipe ya Crystal Palace kuri Old Trafford.

Iyi kipe izwi nk’ibisiga bya Kagoma, yatsinze imikino ibiri iheruka yaje kuri iki kibuga, kurusha itsinzi babonyr imikino 22 iheruka baje kuri Old Trafford.

Ikintu cyambere kiza kugora Rangnick ni ubwugarizi bw’iyi kipe ye, Aho amaze kwinjizwa ibitego 15 mu mikino 15 yakiriye kuri Old Trafford.

Cristiano Ronaldo amaze guhura niyi kipe incuro imwe gusa mubuzima bwa ruhago bwe bwose, umukino warangiye nta gitego gitsinzwe mu kwezi kwa Werurwe 2005, Aho uyu rutahizamu uri gufasha iyi kipe yitezweho kuza gutsinda igitego iyi kipe itozwa na Patrick Vieira nyuma yo gutsinda igitego cy’agahigo cye cya 800 ku munsi wo Kuwa Kane batsinda ikipe ya Arsenal ibitego 3-2.

🔵Tottenham vs Norwich (ku cyumweru, 16:00pm)

Norwich City izaba ihura n’igeragezwa ritayoroheye nyuma yo kumara imikino ine badatsindwa igihe babaga basuye ikipe itozwa na Antonio Conte ya Tothenham Hotspurs.

Tothenham Hotspurs imaze gutsinda imikino itatu yose yakiriye kuri Tothenham Stadium kuva yashyiraho umutoza mukuru Conte, harimo umukino batsinze mo ikipe ya Vitesse muri Europa Conference League, n’itsinzi ku mukino wa Leeds United na Brentford muri Premier League.

Uyu mutoza w’Umutaliyani yizera ko uyu mukino rutahizamu we utari mu bihe bye Harry Kane kuva uyu mwaka w’imikino watangira aza kuba yitwara neza, Aho Kane afite ibitego bitanu mu mikino itatu aheruka gukina n’iyi kipe yahozemo nk’intizanyo mu mwaka w’imikino wa 2012-13.

Rutahizamu wa Norwich City Teemu Pukki yahesheje inota ry’ingenzi umutoza Dean Smith nyuma yo kwishyura igitego Bari batsinzwe na Newcastle Kuwa kabiri ushize, Aho uyu rutahizamu amaze gutsinda ibitego bitanu mu mikino umunani Norwich City imaze gukina muri uyu mwaka w’imikino.

 

🔴Aston Villa vs Leicester (Ku cyumweru, 18:30pm, kuri Sky Sports Premier League)

Nyuma yo gutsindwa umukino we wambere nk’umutoza mukuru wa Aston Villa, Steven Gerrard na Manchester City, yifuza guha akazi ikipe ya Leicester City.

Leicester City yatsinze imikino ibiri yose iheruka kwerecyeza kuri Villa Park Kandi imaze gutakaza umukino umwe mu mikino irindwi Aya makipe abiri aheruka guhuramo.

Ni kunshuro yambere uyu umutoza Gerrad na Brendan Rodgers bagiye guhura, Bose batsinze imikino yabo muri Scotland.

Aba batoza babiri basangiye amateka abahuza kuri Anfield, Aho Gerrard yamaze imikino 99 akinira Liverpool atozwa na Rodgers nk’umutoza we.

🔵Everton vs Arsenal (Kuwa mbere, 22:pm, kuri Sky Sports)

Uwahoze akina hagati mu kibuga ha Everton, Mikel Arteta azaba ayoboye ikipe ye ya Arsenal ku kibuga cya Goodison Park aziko ashobora gukomeza gushyira igitutu kuri Rafa Benitez utamerewe neza muri iyi kipe.

Everton iheruka gutsinda imikino ibiri yose iheruka kuyihuza na Arsenal gusa imaze imikino umunani yose itazi uko itsinzi isa, kunanirwa gutsinda Kuwa mbere bizaba aribwo bwambere iyi kipe yitwaye nabi kuva mu ntangiriro z’umwaka w’imikino wa 1994-1995.

Umukinnyi ukiri muto uri kwitwara neza, Emile Smith Rowe ni umwe wo kwitega kuri uyu mukino nyuma yo kugira uruhare mu bitego umunani, atsinda ibitego bitandatu maze agatanga imipira ibiri yavuyemo ibitego mu mikino 11 mu marushanwa yose harimo n’igitego yatsinze mu mukino baheruka gutsindirwamo kuri Old Trafford.

Written by YegoB

Subscribe
Notify of
guest
0 Comments
Inline Feedbacks
View all comments

Amagambo Meddy yabwiye Mushiki we warangije Kaminuza

Itangazo rigenewe abakoresha imihanda yo muri kigali buri munsi (video)