HARAGIRIMANA Dieudonne
Ubuyobozi bwa Rayon Sports bwakoreye igikorwa abakinnyi bayo, nabo bahita babaha isezererano ryo gutsinda Police FC ntagushidikanya.
Hari hashize igihe havugwa byinshi mu ikipe ya Rayon Sports harimo abakinnyi iyi kipe izaba idafite kuri Police FC ariko ikaba yanagaruye abandi babiri barimo Rafael Osaluwe ndetse na Ndizeye Samuel, ikintu cyari gikomeye n’ikibazo cy’imishahara abakinnyi bari batarabona.
Mu gitondo cyo kuri uyu wa gatanu nibwo twamenye ko ubuyobozi bwa Rayon Sports bwamaze guhereza abakinnyi igice cy’imishahara bari babarimo bubamenyesha ko andi bazayabona kuwa mbere w’icyumweru gitaha.
Iki kintu cyashimishije abakinnyi benshi ba Rayon Sports cyane ko hari hamaze iminsi havugwa inzara mu bakinnyi ndetse bamwe barimo no kugenda banga gukora imyitozo ariko nyuma yo guherezwa kumafaranga baremeza ko bagomba gutsinda Police FC.
