THIERRY Mugiraneza
Ikipe ya Gasogi United na AS Kigali zikomeje kugaragaza intege nke mu rugamba rwo guhatanira uzatwara shampiyona y’uyu mwaka.
AS Kigali yarangije igice kibanza cya shampiyona ariyo iyoboye urutonde rw’agateganyo ariko ubu ikomeje kugaragaza kuba insina ngufi dore ko iyi kipe idaheruka intsinzi vuba aha.
Kuri icyi Cyumweru AS Kigali yari yerekeje mu Karere ka Rusizi gukina na Espoir Football Club ikipe, iri mu zirwana n’ubuzima uyu mwaka.
AS Kigali yaje gutsindwa igitego kimwe ku busa cyatsinzwe na Mbazo Nkoto Kalim ku ruhande rwa Espoir ku munota wa 45. As Kigali inanirwa ubwishyura umukino wose birangira iguye inyuma y’ishyamba.
Ku rundi ruhande ikipe ya Gasogi United nayo yigeze kwikoza ku mwanya wa mbere uyu munsi yari yakiriye ikipe ya Musanze FC. Gasogi United birangira ikubiswe ibitego bibiri kuri kimwe , Uba ubaye umukino w’ikurikiranya wa gatatu iyi kipe itabona amanota atatu .
Kugeza ubu As Kigali iri ku mwanya wa kane ku rutonde rw’agateganyo n’amanota 38, mu gihe Gasogi United yo iri ku mwanya wa gatanu n’amanota 36.
