THIERRY Mugiraneza
Ikipe ya Arsenal irwanira Igikombe cya shampiyona yaraye yitwaye neza mu mukino w’ikirarane wayihuje na Everton , mu gihe n’ ikipe ya Liverpool yaraye yongeye kwerekana ko inkundura ya ‘ Big 4’ iyikomeje.
Mu ijoro rya keye ikipe ya Arsenal yakiraga Everton mu rugo kuri Emirates Stadium, mu mukino w’ikirarane utari warabereye igihe.
Arsenal yari yarasitajwe na Everton mu mukino ubanza kuko yari yarabatsinze igitego kimwe ku busa , yaje mu mukino ifite impamvu zirenze imwe zo gutsinda kuko yarikeneye no kuzamura ikinyuranyo na Manchester City iyi kurikiye.
Mikel Arteta n’abakinnyi be nabo ntibatengushye abafana babo.
Kuko Arsenal yaje kunyagira Everton ibitego bine ku busa, ibitego bya Arsenal byatsinzwe na Bukayo Saka, Gabriel Martinelli watsinze bibiri na Martin Ødeggard. Gutsinda kwa Arsenal byatumye ikomeza kuyobora urutonde rwa shampiyona by’agateganyo kuko ubu yicaye ku mwanya wa mbere n’amanota 60 mu mikino 25.
Ku rundi ruhande ikipe ya Liverpool nayo mu rugo ku kibuga cya Anfield yitwaye neza kuko yatsinze ikipe ya Wolverhampton Wanderers ibitego bibiri ku busa. Ibitego bibiri bya Liverpool byatsinzwe na Virgil van Djik na Mohamed Salah wuzuzaga season eshashutu muri Liverpool atsinda ibitego birenze 20.
Gutsinda kwa Liverpool byatumye ikomeza gusatira amakipe ane ya mbere kuko ubu Liverpool igeze ku mwanya wa 6 n’amanota 39 mu gihe ifite ikirarane cy’umukino umwe.
