Pepe Guardiola utoza Man City yabwiye umuherwe wa Chelsea amagambo y’ubwishongore asabira imbabazi umutoza wayo nyuma yo kumutsinda amwandagaje ubugira kabiri

Ikipe ya Manchester City itozwa na Pepe Guardiola yongeye gutsinda ikipe ya Chelsea itozwa na Graham Potter ibitego 4-0 muri FA Cup nyuma y’iminsi itarenze 4 Man City itsinze Chelsea muri shampiyona igitego 1-0.

Nyuma y’uyu mukino Pepe Guardiola yagiriye inama umuherwe wa Chelsea Todd Boehly yo kutirukana umutoza wa Chelsea Graham Potter ahubwo akamuha umwanya.

Mu magambo y’ubwishongore Pepe yagize ati “Muhe Graham Potter igihe, abatoza bose bakenera igihe, kuko ni umutoza mwiza, njyewe muri Barcelona si nari nkeneye igihe cya sezo ebyiri kuko nari mfite Messi.”

Aya magambo yashatse kumvukanisha ko umutoza wa Chelsea nta kosa afite ahubwo icyo abura ari abakinnyi bari ku rwego rushimishije.