Epaphrodite Nsengimana
Umukinnyi w’Amavubi, Hakim Sahabo yagaragaje uburyo atishimiye ukuntu yasimbujwe mu mukino u Rwanda rwanganyijemo na Zimbabwe mu gushaka itike y’igikombe cy’Isi cya 2026, wabaye kuri uyu wa Gatanu tariki 15 Ugushyingo 2023.
Hari ku munota wa 80 ubwo uyu musore wari wakiriye amarangamutima y’abatari bake kuri Stade Huye, yasimburwaga na Muhire Kevin ukinira Rayon Sports, maze abenshi mu bafana bereka umutoza w’Amavubi Torsten Frank Spittler ko batishimiye izi mpinduka, bavuza induru ndetse hari n’abavuze bati “Oya”.
Izi mpinduka ntabwo ari abafana b’Amavubi zitashimishije gusa kuko na Sahabo Hakim ubwe yasohotse mu kibuga aseka gusa ubwo yatambukaga ku ntebe y’abasimbura nibwo yerekanye ko ababajwe no gukurwamo nyamara yari agifite byinshi byo gutanga.
Yagaragaje umujinya atera agacupa umugeri maze asakuza yiyamira avuga ijambo ’Oya’.
