Oussumani Dembelle:Zahabu ya Barça ishobora kubura isoko, icyizere cyo kubona amafaranga kikayoyoka.

Mu gihe ikipe ya FC Barcelona ishaka kureba uburyo yakwivana mu kibazo gikomeye cy’ubukungu irimo, itegereje kuba yagurisha abakinnyi bamwe na bamwe.

Ubungubu uwari ugezweho ndetse wendaga kuzanira FC Barcelona amafaranaga ashyushye ni Oussumani Dembelle wayibereye umukinnyi mwiza mu minsi ya nyuma y’amasezerano ye mu gihe mbere yiberaga mu bitaro kubera imvune.

Ikipe ya Paris Saint-Germain yari yiteguye kugura uno mufaransa, ikaba yabivutemo ahubwo igafata umwanzuro wo gukomeza mu kibuga hagati aho gukomeza kurunda abakinnyi basatira izamu benshi.

Mu gihe ikipe ya FC Barcelona itabona aho igurisha Oussumani Dembelle byasaba ko imwongerera amasezerano mu buryo nabwo butumvikanwaho neza n’impande zombi.

Oussumani Dembelle ari gusaba amafaranga menshi y’umushahara, mu gihe ikipe ya FC Barcelona ishaka ahubwo ko nayo yamuhembaga iyagabanya.