Nyuma y’urupfu rwa Kenny Mugabo wazize impanuka y’imodoka yari itwaye abanyeshuri, amakuru mashya kandi meza kuri bagenzi be basigaye

Ku munsi wo ku wa mbere tariki 9 Mutarama nibwo mu Rwanda hasakaye inkuru y’incamugongo y’imodoka yari itwaye abana bagiye ku ishuri ikora impanuka i Kigali ahazwi nko ku i Rebero maze abarenga 25 barakomereka, gusa nyuma y’umunsi umwe Kenny Mugabo umwe mu bakoze impanuka yitabye Imana.

Kuri uyu mugoroba hasotse amakuru meza kuri bamwe muri abo bana basigaye, aho abagera kuri 17 bamaze gutaha murugo i wabo bamaze gukira.

Nk’uko bitangazwa n’umuyobozi w’ibitaro bya CHUK, yatangaje ko abana 17 bamaze gutaha gusa umwana umwe niwe usigaye mu bitaro kubera ko acyitabwaho ku kibazo gito asigaranye ku kuboko.