Nyuma yo kubuza amahirwe abujuje ibisabwa, abashinjwa uburiganya mu kujyana abana mu irerero rya Bayern Munich aho bari icyuya cyatangiye kubarenga kuko akabo kashobotse

Urwego rw’Igihugu rw’Ubugenzacyaha (RIB) rwashyikirije Ubushinjacyaha dosiye iregwamo abakekwaho uburiganya mu guhindura imyaka y’abana ngo bemererwe kwiga no gukina muri Academy ya Bayern Munich mu Rwanda.

RIB ikimara kumenya iki kibazo yatangije iperereza ndetse mu byagaragaye harimo ko hari abana babeshye imyaka yabo babifashijwemo n’abatoza babo.

Kugira ngo imyaka y’aba bana ihindurwe, byagizwemo uruhare n’uwari umutoza wabo afatanyije n’ushinzwe kubika amakuru mu ikoranabuhanga mu Murenge wa Kinyinya.