Nyuma yo gutsinda ikipe ya Chelsea fc, Jose Mourinho yakoze andi mateka atarigeze akorwa nundi mutoza wese

Ikipe ya Manchester united mu ijoro ryashize yatsinze ikipe ya Chelsea ibitego 2-0 bituma amahirwe y’iyi kipe y’i Londre itozwa na Antonio Conte yo gutwara igikombe agabanuka kandi amakosa yose yabaye muri uyu mukino umutoza akaba yayishinjije kandi akaba yiteguye kuyakosora. Ibitego bya Manchester united byatsinzwe na  Marcus Rashford ku munota wa 7’ w’umukino ku mupira yahawe na Ander Herrera, ku munota wa 49 w’umukino Ander Herrera yateretsemo ikindi gitego cyaje gica intege abasore ba Chelsea.

Jose Mourinho  kuba yabashije gutsinda Chelsea byahise bimugira umutoza umaze gutsinda amakipe yose yo mu Bwongereza amaze guhura nayo. Jose Mourinho yaciye agahigo ko gutsinda amakipe 34 yose yo mu Bwongereza amaze gukina ahanganye nayo.

Aka gahigo kakaba ntawundi mutoza wigeze agakora muri champiyona y’ubwongereza kuva yabaho.