Nyuma yo gutahana ikamba rya Miss Innovation Uwimana Jeannette yakorewe ibirori byo kwacyirwa (Amafoto)

Uwimana Jeannette wegukanye ikamba rya Miss Innovation mu marushanwa ngarukamwaka y’ubwiza ya Miss Rwanda 2022 yakiranwe ibyishimo na nyina, abavandimwe be n’inshuti z’umuryango mu birori byuje ibyishimo.

Jeannette yakorewe ibyo birori nyuma yo guhesha ishema umuryango agutahana ikamba mu irushanwa rya Miss Rwanda 2022

Ni ikamba ryari riherecyejwe no kuba uyu mwari azajya ahembwa buri kwezi mu gihe kingana n’amezi 12 ibihumbi 500 Frw kandi akazanahabwa ubufasha mu ishyirwa mu bikorwa ry’umushinga we na Banki ya Kigali izanajya imuha ibyo bihumbi 500 Frw bya buri kwezi, bivuze ko mu mwaka wose azamarana ikamba azakuramo Miliyoni 6 Frw.

Ubwo rero uyu umwari yageraga mu muryango iwabo mu Karere ka Nyanza nyuma y’igihe kitari gito yari amaze mu mujyi wa Kigali mu mwiherero wa Miss Rwanda, yakiranwe ibyishimo n’abavandimwe be, nyina n’inshuti z’umuryango bigaragara ko bari bamwiteguye cyane.

Uwimana Jeannette akaba agiye no gutangira kwiga muri Kaminuza ya Kigali kuri Buruse itangwa n’iyi Kaminuza nk’imwe mu ngingo y’imikoranire ya Kaminuza ya Kigali n’abategura Miss Rwanda, yasoje amashuri yisumbuye mu ishami ry’Imibare, Mudasobwa n’Ubukungu (MCE)