Nyuma yo gushyira hanze ifoto ari mu bwiherero yamanuye akenda k’imbere, umuhanzikazi Linda atangaje amagambo akomeye

Umuhanzikazi Linda Montez uherutse gushyira hanze ifoto iteguza indirimbo ye ,aho yari yicaye mu bwiherero yamanuye ikariso ndetse benshi ku mbuga nkoranyambaga bakamushinja kwiyambika ubusa kuri ubu uyu muhanzikazi yavuze ko nta busa yigeze yambara .

Uyu mukobwa urimo kwitegura gushyira hanze indirimbo yise “agakanzu” avuga ko atigeze ashyira hanze kimwe mu bice by’umubiri we bityo indirimbo ye adakwiriye guherekezwa n’ibitutsi.Ni nyuma y’aho ahaswe amagambo n’ababonye ifoto ye iteguza indirimbo ye agakanzu yicaye mu bwiherero bagatangira kubigereranya n’ibyo umuhanzikazi Ariel Wayz yakoze ashyira hanze amabere ye ubwo yiteguraga gushyira hanze indirimbo ye.

Linda yagize ati:”Ntabwo ifoto iteye ubwoba, sinambaye ubusa. Nta gice cy’umubiri wanjye kigaragara ku buryo wavuga ngo nambaye ubusa. Nabahaye ibyo bagomba guhabwa.”