HARAGIRIMANA Dieudonne
Ku mugoroba washize ikipe ya Manchester United yabashije gukomeza mu mikino ya 1/2 mu gikombe cya Europa League, aho mu mukino utoroshye hitabajwe iminota 30 y’inyongera yaje kubonerwa igitego cy’insinzi n’umukinnyi Marcus Rashford, mu minota 90 isanzwe iyi kipe ya Manchester United na Anderlect byakinaga byaje kunganya igitego 1-1 bimeze nk’ibyabaye mu mukino wabanje mu gihugu cy’ububiligi. Gusa muri uyu mukino umutoza Jose Mourinho akaba yaje kuhatakariza abakinnyi babiri aribo Marcos Rojo na kizigenza Zlatan Ibrahimovic.
Tugenekereje mu kinyarwanda yagize ati:” Ngiye gutegereza gusa ibyiyumviro byange sibyiza na gato kuri bombi. Ncaka gutegerezanya imyumvire myiza gusa sindi kubibasha. Sintekereza ko ari imvune zoroshye, gusa ngiye gutegereza ibyemezo by’abaganga kugeza ejo, niho nzongera kuvuga.”
Amakuru ava mo imbere mu ikipe ya Manchester atarashyirwa ahagaragara gusa nkuko tubikesha ikinyamakuru Manchester united.com arahwihwisa ko aba bakinnyi bombi Marcos Rojo na Zlatan Ibrahimovic batazongera gukina muri iyi saison bitewe n’uburemere bw’imvune zabo. Tukaba dutegereje kureba icyo abaganga bari buze kwemeza kuri uyu munsi nyuma yo kubacisha muri scanner.
