Nyuma y’ibihombo Kanye West yikurururiye Hamenyekanye umuraperi wahise umusimbura ku rutonde rwabaraperi batunze agatubutse

Umuraperi P Diddy uzwi mu ndirimbo nka “I’m coming home” yasimbuye Kanye West ku mwanya w’abaraperi batunze miliyari y’amadorali.

Nkuko tubikesha Complex P Diddy yabaye umuraperi wa kabiri utunze miliyari y’amadorali nyuma ya Jay Z abikesha amasezerano y’imikoranire hagati ya kompanyi icuruza ibisembuye ya Ciroc na Diageo.

Jay Z amaze iminsi mike yisubije umwanya wa mbere mu baraperi batunze agatubutse nyuma yaho Kompanyi ya Adidas ihagaritse amasezerano na Kanye West bigatuma atakaza umwanya wa mbere.

Kugeza ubu Forbes itangaza ko Kanye West yahombye agera kuri miliyari $2 ndetse ko ahagaze atageze kuri miliyoni $500.