HARAGIRIMANA Dieudonne
Ikipe ya Rayon Sports imaze igihe ubona ko ifite ikibazo mu bakinnyi yaguze bagaragaza ubushobozi bucye mu mikinire yabo ariko ubuyobozi bwatangiye kugenda busezerera abo babona batagikeneye.
Ku munsi w’ejo hashize nibwo iyi kipe yatangaje kumugaragaro ko yamaze gutandukana na Ramadhan Kabwili wari umuzamu w’iyi kipe ariko kubera ibyangombwa yabuze ntiyakomezanya na Rayon Sports muri iyi mikino yo kwishyura ya shampiyona.
Nubwo uyu muzamu bavuga ko hari ibyo yabuze, mu mikino yakinnye ubwo yari muri Rayon Sports, benshi bashidikanyaga ubushobozi bwe nubwo ikipe ya Rayon Sports iteruraga ngo yerekanye ko ishaka gutandukana nawe ariko mu mitwe y’abayobozi batangiye kubitekereza kera.
Ntabwo Ramadhan Kabwili ariwe gusa ahubwo ikipe ya Rayon Sports yanatandukanye na Boubacar Traoré kubera ko we ngo nubwo atabonaga umwanya wo gukina nta nubwo yagagaje imyitwarire myiza yatuma iyi kipe ikomeza kuba imufite afasha abandi gukora imyitozo.
Ibi bibaye mu gihe ikipe ya Rayon Sports iri ku mwanya wa 3 n’amanota 49 ikurikiye APR FC ndetse na Kiyovu Sports zombi zifite amanota 53.
