Nyarugenge: Umuzunguzayi yateye icyuma umunyerondo maze ahita ahasiga ubuzima

Umuzunguzayi yateye icyuma umunyerondo witwa Habanabashaka Jean ahita yitaba Imana ubwo yari kumwe na bagenzi be mu mukwabo wo kurwanya abacuruzi butemewe bukorerwa ku muhanda.

Ibi byabaye ku Mugoroba wo kuri uyu wa 07 Werurwe 2023 mu Karere ka Nyarugenge mu Murenge wa Kiyovu, Akagari ka Kiyovu hafi y’inyubako y’ubucuruzi ya CHIC.

Umwe mu bari aho ibyo byabereye yabwiye IGIHE dukesha iyi nkuru ko umuzunguzayi uzwi nka Mama Mugisha yabonye imodoka y’abacunga umutekano akaza kuyitambika, ashaka gukuramo ibiciruzwa byafashwe.

Nyuma abazunguzayi baje ari benshi baterura umwe mu banyerondo witwa Habanabashaka Janvier , bamutwara mu maboko hanyuma bamutera icyuma mu gisambu kiri munsi ya gare, ahita apfa.

Umuyobozi w’Umurenge wa Nyarugenge, Patricia Murekatete yavuze ko aba abazunguzayi basagariye uwo munyerondo ari mu kazi kandi yambaye n’imyenda y’akazi, ubwo we na bagenzi be bari mu gikorwa cyo kurwanya ubucuruzi bw’akajagari.

Aba banyerondo bakekwaho gukora ayo mahano ntibarafatwa gusa bakomeje gushakisha n’inzego z’umutekano.