Nyanza: Abashatse kwica nyirurugo bamuhushije gusa ibyo basize bakoreye inka ye bishimangira urwango n’ubugome bari bamufitiye(Amafoto) 

Nyanza: Abashatse kwica nyirurugo bamuhushije gusa ibyo basize bakoreye inka ye bishimangira urwango n’ubugome bari bamufitiye(Amafoto)

Abagizi ba nabi bateye urugo rw’umuturage utuye mu murenge wa Busoro mu karere ka Nyanza bashaka kumutema baramuhusha bihumirira ku nka.

Byabereye mu mudugudu wa  Kayenzi mu kagari ka Gitovu mu murenge wa Busoro mu karere ka Nyanza aho mu rugo rwa MUDAHUNGA Faustin  abantu   bamuteye mu rugo rwe bakarwana bakaba bashakaga kumutema.

Kwizera Diogenne umukozi ushinzwe imari n’ubutugetsi mu murenge wa Busoro yabwiye UMUSEKE dukesha iyi nkuru ko nyir’urugo nawe yakijijwe nuko yirutse

Ati “Faustin ntiyabashije kumenya abo bagizi ba nabi kuko bari bipfutse mu maso gusa barwanye we ariruka, abacitse niko  gutema inka ye.”

Amakuru avuga ko  inka yatemwe yari iri mu rugo ,bayitemye ibice bitandukanye ku mubiri barayikomeretsa bikomeye .