Nyamukandagiramukibuga nindi uzayihagarika koko? APR FC mu buryo bugoranye yihanije ikipe ya Marine FC

Shampiyona y’umupira w’amaguru mu Rwanda igeze ku munsi wayo wa 23, ikipe ya APR FC yatsinze bigoranye ikipe ya Marine FC iri kurwana no kutamanuka mu kiciro cya kabiri.

Ni umukino wabereye kuri stade Umuganda, APR FC yaje kubona itsinzi bigoranye kuko yatsinze Marine Fc ibitego 3-2.

Marine Fc ikomeje kugayika kubera ko imaze imyaka 23 mu kiciro cya mbere muri shampiyona itaratsinda APR FC. Ndetse kandi ikomeje kujya ku mwanya wa 15 n’amanota 16, mu gihe APR FC yo ikomeje kuyobora urutonde rwa shampiyona n’amanota 49.