HARAGIRIMANA Dieudonne
Ikipe ya Kiyovu Sports iyobowe na Mvukiyehe Juvenal, yamaze kumvikana bidasubirwaho n’umukinnyi ukomeye cyane wakinnye mu gihugu cya Portugal.
Hashize iminsi ikipe ya Kiyovu Sports bitangajwe ko yarezwe muri FIFA kubera gukora amakosa yo gusesa amasezerano y’abakinnyi bari basinyishije bikabaviramo gucibwa Milliyoni zirenga 90. FIFA yaje kumenyesha iyi kipe ko itemerewe kwandikisha abakinnyi mu gihe itabanje kwishyura aya mafaranga.
Iyi kipe yaje kuganira n’aba bakinnyi bayireze bumvikana ko izajya ibaha amafaranga macye macye. Kiyovu Sports nyuma yo kudohorerwa yatangiye gutangaza abakinnyi yasinyishije. Amakuru YEGOB twamenye ni uko iyi kipe yamaze kurangizanya na rutahizamu ukomoka mu gihugu cya Congo witwa Kader Bidimbou George
Uyu rutahizamu ukomeye yakinnye mu makipe akomeye cyane ariko n’ikipe yo mu gihugu cya Portugal. Mu makipe yakiniye harimo AFS Leopards, CABBA, Diables Noirs, Hafia, Olimpique Khouribga, Sanjoanense, ACNFF hamwe na JS Talangaï.
Bidimbou Kader biteganyijwe ko kuri uyu wa gatanu araba ageze hano mu Rwanda kuko itike y’indege bivugwa ko yamaze kuyoherezwa. Uyu mukinnyi araba aje gushyira umukono kumasezerano hatagize igihinduka.
