Nyagatare: Umwana w’imyaka 3 yapfuye azize kunywa ibiyobyabwenge se yacuruzaga bwihishwa

Mu karere ka Nyagatare mu murenge wa Tabagwe haravugwa inkuru y’umwana uri mu kigero k’imyaka 3 y’amavuko wasanzwe yapfuye bikekwa ko yaba yazize ibiyobyabwenge yanyoye.

Impamvu bikekwa ko uyu mwana yaba yishwe na kanyanga ise yari asanzwe acuruza mu buryo butemewe, ngo kuko umurambo w’uyu muziranenge wasanzwe mu cyumba cyuzuyemo impumuro ya kanyanga.

Umunyamabanga Nshingwabikorwa w’umurenge wa Tabagwe, yabwiye BTN Tv dukesha iyi nkuru ko uyu mugabo wo muri uru rugo ngo yari yarigeze gufatwa acuruza kanyanga akura muri Uganda.

Ibi bikimara kuba, uyu mugabo yahise atorongera, umurambo wa nyakwigendera nawo ujyanwa mu bitaro bya Nyagatare.