Ntibisanzwe: umugabo yagiye kugura amata atombora miliyari imwe.

Umugabo witwa Dennis Willoughby ukomoka muri Leta ya Virginia muri Leta zunze ubumwe za Amerika, yatunguwe nyuma yo gutsindira akayabo ubwo yari avuye mu rugo ajyanywe no kugurira abana be amata (Chocolate Milk) maze mu nzira agaruka atsindira Miliyoni $1.

CNN yatangaje ko Dennis ubwo yari mu nzira ava aho yari yagiye kugurira abana be amata, yabanje kunyura aho bakinira umukino w’amahirwe maze agura itike yitwa $1,000,000 Platinum Jackpot muri imwe muri kompanyi y’imikino y’amahirwe izwi nka Virginia Lottery. Kubw’amahirwe byarangiye uyu mugabo atsindiye $1,000,000 (1,037,850,000 Frw).

Virginia Lottery itegura uyu mukino w’amahirwe yatangaje ko uyu mugabo ari uwa kabiri utsindiye aya mafaranga ndetse ko hasigaye umuntu umwe gusa biteganijwe ko ariwe ushobora kongera kuyatsindira.