HARAGIRIMANA Dieudonne
Umunyarwanda yabivuze ukuri koko ngo ntazibana zidakomanye amahembe; Umuhanzi Muyombo Thomas uzwi cyane ku mazina y’ubuhanzi nka Tom Close n’umugore we, Tricia, ngo bigeze kugira impamvu ikomeye ndetse yari igiye gutuma batandukana.
Nkuko Tom Close yabitangaje mu magambo ye bwite, avuze ko hari umukobwa bakundanye w’umuzungukazi wari ugiye kuba intandaro yo gutandukana kwe n’umugore we Tricia ariko yasoje avuga ko byarangiye ko ubu we n’umugore we bibaniye mu munezero. Aya magambo Tom Close akaba yarayatangaje ku munsi w’isabukuru y’umugore we. Tom Close na Tricia bakoze ubukwe mu mwaka wa 2013, ubu bakaba bafitanye abana babiri aribo Ella na Elan. Uyu muryango ukaba ari umwe mu miryango y’ibyamamare hano mu Rwanda ikomeye ndetse y’intangarugero ku miryango myinshi hirya no hino ku isi.
