No kwiyunga n’abafana bizagorana! umukinnyi wafashaga Rayon Sports akomeje guterwa ipfunwe n’urwego ruri hasi ari kugaragaza bikababaza abakinnyi bagenzi be

Umukinnyi w’ikipe ya Rayon Sports benshi bemezaga ko afite ubuhanga budasanzwe yongeye kwikomwa n’abafana b’iyi kipe nyuma yo kutagira icyo afasha Rayon Sports mu mukino batsinzemo Rutsiro FC.

Tariki 25 Gashyantare 2023, ikipe ya Rayon Sports yakinnye n’ikipe ya Rutsiro FC biza kurangira Ikipe ya Rayon Sports itsinze ibitego 2-0 mu mukino benshi bemeza ko ikipe ya Rayon Sports yishyuye abasifuzi kugirango bayibire.

Wari umukino ukomeye cyane ku mpande zombi bitewe ni uko ikipe ya Rayon Sports yagombaga gutsinda kugirango iyobore Urutonde rwa shampiyona mu gihe itegereje APR FC yagombaga gukina ku munsi ukurikiyeho wo ku cyumweru, naho ikipe ya Rutsiro FC yo yashakaga gutsinda kubera ko abakinnyi bifuzaga guhabwa amafaranga yari yashyiriweho nubwo bitagenze neza.

Muri uyu mukino abafana b’ikipe ya Rayon Sports bongeye kunenga bikomeye Nishimwe Blaize nyuma yo kugaragaza ko agifite byinshi byo gukora bitewe nuko muri uyu mukino wabonaga ko yasubiye hasi cyane mu mikinire ye nyuma yo kumara igihe kinini adakinira iyi kipe y’abafana benshi hano mu Rwanda.

Ibi byazamutse cyane ubwo kuri uyu mukino Blaize yagendaga atakaza imipira mu kibuga hagati n’abakinnyi bagenzi be bakamubaza ibyamubayeho ndetse bigera naho abafana bisabira Haringingo Francis ko yamusimbuza akabazanira Mbirizi Eric wari umaze iminsi atanga umusaruro uhagije mu mikino yari amaze akina.

Iyi ntsinzi ikipe ya Rayon Sports yabonye yatumye iguma ku mwanya wa kabiri n’amanota 42 irushwa inota rimwe na APR FC nayo yatsinze Musanze FC ibitego 3-0 bituma igira amanota 43.