Moïse Habanabashaka
Nkundineza Jean Paul wari waburiwe irengero yabonetse bigoranye.
Umuryango w’umunyamakuru Jean Paul Nkundineza uvuga ko yari yarabuze kuva kuwa mbere wemeje ko yabonetse mu ijoro ryo kuri uyu wa gatanu.
Nkundineza yabonetse nyuma y’iminsi ine abuze, amakuru arambuye kuho yari ari n’aho yabonetse ntaramenyekana neza kugeza ubu.
Umwe mu bavandimwe be yagize ati: “Turashimira Imana ko Jean Paul yamaze kuboneka, ubu ari murugo rwe na Madame.”
Umuvandimwe we avuga ko bamenyesheje urwego rw’Igihugu rw’Ubugenzacyaha, RIB, iby’umuntu wabo wabuze, ati: “Ariko hashize iminsi ine dutegereje igisubizo cy’ibyavuye mu iperereza”.
Jean Paul Nkundineza ni umwe mu banyamakuru bazwi mu Rwanda, cyane cyane ku rubuga rwa YouTube Jalas Official TV aho atambutsa inkuru zijyanye n’imibereho y’abaturage.
