in

Ngabo Roben wari umuvugizi wa Rayon Sports, yerekeje kuri Radio/TV10

Ngabo Roben, wari Umuvugizi wa Rayon Sports, yatangajwe nk’umunyamakuru mushya wa Radio/TV10. Nubwo yagiye muri iyi radiyo, azakomeza gufasha Rayon Sports mu birebana n’itangazamakuru. Ubuyobozi bwa Radio/TV10 bwemeje uyu mwanzuro kuri iki Cyumweru, tariki ya 16 Gashyantare 2025, ubwo bwatangazaga ko bwakiriye umunyamakuru mushya uzajya akora ibiganiro bya siporo.

Ngabo Roben yari amaze igihe akora ibiganiro bya siporo byerekeye Rayon Sports, by’umwihariko mu kiganiro Rayon Time. Uretse kuba umunyamakuru, yari n’Umuvugizi wa Rayon Sports ndetse anashinzwe ibikorwa by’itangazamakuru by’iyi kipe. Uyu mwanya yawufatanyaga n’akazi ke k’itangazamakuru kugeza ubwo yerekeje kuri Radio/TV10.

Mbere yo kwinjira muri Radio/TV10, Ngabo Roben yabanje gukorera ibindi bitangazamakuru bikomeye mu Rwanda, birimo Isango Star, Radio&TV1, Umuseke, ndetse na IGIHE. Nubwo yavuye muri Rayon Sports nk’Umuvugizi, azakomeza gukoresha imbuga nkoranyambaga z’iyi kipe, mu gihe ubuyobozi bw’iyi kipe bugishakisha uzamusimbura kuri uwo mwanya.

Ku Radio/TV10, Ngabo Roben asanze abandi banyamakuru b’imikino bazwi, barimo Hitimana Claude, Ephraim Kayiranga, Jean Claude Kanyamahanga, na Ishimwe Adelaide. Ibi bibaye mu gihe Rayon Sports FC iri ku mwanya wa mbere muri shampiyona y’u Rwanda, n’amanota 40, ikarusha APR FC iyikurikiye amanota atandatu.

Written by Epaphrodite Nsengimana

I am responsible for this article, not the YEGOB website. Please contact me if you need more information about it: +250736426472

Subscribe
Notify of
guest
0 Comments
Oldest
Newest Most Voted
Inline Feedbacks
View all comments

Ese Amavubi yaba abonye umutoza mwiza? Robertinho ashaka gutoza ikipe y’igihugu Amavubi, akayahesha itike y’Igikombe cy’Isi

Umufana wa Rayon Sports uzwi nka ‘Rwarutabura’ yakubitiwe kuri Stade nyuma y’umukino wahuje Murera na Kiyovu Sports – VIDEO