HARAGIRIMANA Dieudonne
Nubwo FC Barcelone ntako itagize ngo yiyubake igura Ousmane Dembele nyuma y’igenda ryatunguranye cyane rya Neymar,nyamara abayobozi n’abafana b’iyi kipe babajwe bikomeye no kubura umusore Philippe Coutinho batangagaho amafaranga menshi agera kuri miliyoni 130 z’amayero nyamara ubuyobozi bwa Liverpool bwanga gutanga uyu musore nubwo amakuru avuga ko ikipe ya FC Barcelone ikiri gushaka uyu musore cyane dore ko no mu kwa mbere bazongera kumwirukaho.
Nyamara nk’uko ikinyamakuru Catalan sport kibitangaza,Neymar yaba yarasabye uyu musore bakuranye ndetse bakinana no mw’ikipe y’igihugu ya Bresil ko yamusanga muri Paris Saint Germain dore ko n’ikinyamakuru L’Equipe cyemeza neza ko yaba yarasabye perezida wa PSG,Nasser Al-Khelaifi ko yazana Coutinho muri iyi kipe.Mu myitozo ya Bresil,Neymar yaba yarabwiye uyu musore w’imyaka 25 ati “Ntuzasinye muri Barca uko byagenda kose” nkuko ikinyamakuru Catalan Sport gikomeza kibyemeza neza.
Igenda rya Neymar ryaciye intege ikipe ya FC Barcelone cyane,kubera PSG yashoboye kuyikuramo umukinnyi ngenderwaho cyane,ariko byaba bibi kurushaho Phillipe Coutinho aramutse asinyiye PSG n’ukuntu Barca yamwirutseho cyane.Ni nyuma y’aho muri icyi cyumweru gishize asabye UEFA gukura Barca muri Champions League kubera ikibazo cy’amafaranga y’agahimbazamusyi atarishyuwe se umubyara nyuma y’amasezerano bari bafitanye na Barca.
